អ្នកចាត់ការទូទៅលោក Ole Gunnar Solskjaer របស់ក្រុមបិសាចក្រហម Man United បានជាប់ឈ្មោះជាក្លឹបដាក់កីឡាករជម្រើស១១នាក់ដំបូងមានវ័យក្មេងៗបំផុត នៅក្របខណ្ឌ Premier League រដូវកាល ២០១៩-២០ កាលពីចុងសប្តាហ៍កន្លងទៅនេះ។ ក្នុងការបង្ហាញខ្លួនសប្តាហ៏ទី១នេះ Man United មានកីឡាករអាយុជាមធ្យម ២៤ ឆ្នាំនិង ២២៧ ថ្ងៃដូចជា Marcus Rashford, Anthony Martial, Scott McTominay, Andreas Pereira, Victor Lindelof, Luke Shaw និង Aaron Wan-Bissaka ដែលមានវ័យមិនលើសពី២៥ឆ្នាំ។ ប៉ុន្តែ David de Gea មានវ័យច្រើនជាងគេគឺ ២៨ ឆ្នាំ ខណៈកីឡាករ៣រូបផ្សេងទៀតគឺ Jesse Lingard, Paul Pogba និង Harry Maguire ទាំងបីរូបមានវ័យ២៦ឆ្នាំ ដូចគ្នា។
ក្រុម Norwich City ជាក្រុមលេខរៀងទី២ក្រោយចាប់ផ្តើមដាក់កីឡាករវ័យក្មេងក្នុងជំនួបចាញ់ Liverpool ៤-១ គឺជាក្រុមបន្ទាប់ដែលមានកីឡាករ មានអាយុជាមធ្យមចាប់ពី ២៥ ឆ្នាំនិង ៨៩ ថ្ងៃ។ និងក្រុមលេខរៀងទី៣គឺ Southampton ដែលបានដាក់កីឡាករមានអាយុជាមធ្យមប្រមាណជា ២៥ ឆ្នាំនិង ១០២ ថ្ងៃគឺក្មេងជាងគេលំដាប់ទីបីទោះបីជាពួកគេបានរងបរាជ័យក្នុងយុទ្ធនាការបើកឆាកចាញ់ក្រុម Burnley ក្នុងលទ្ធផល ៣-០ យ៉ាងណាក្តី។
Man.United បានបំបែកកំនត់ត្រាចាស់របស់ Chelsea ដែលធ្លាប់ដាក់កីឡាករ១១រូបវ័យក្មេង ក្នុងជម្រើសដំបូងគឺមានវ័យ២៥ ឆ្នាំ ១៩៩ ថ្ងៃ នៅក្របខណ្ឌ Premier League កំលុងខែវិច្ឆិកាឆ្នាំ ២០១២ គឺមានអាយុជាមធ្យម២៤ ឆ្នាំ ២៦១ ថ្ងៃ ហើយជាលទ្ធផល ពួកគេចាញ់ក្រុម West Brom នាពេលនោះ។
