ការរងរបួសសរសៃពួរជង្គង់ធ្ងន់ធ្ងររបស់ខ្សែបម្រើ Marco Asensio អាចជាដំណឹងអាក្រក់ ដើម្បីបំផ្លាញ ក្តីសង្ឃឹមរបស់ Arsenal ក្នុងការចុះហត្ថលេខានាំយកខ្សែបម្រើ Dani Ceballos មកកាន់ទឹកដីEmirate Stadium យោងតាមលោក Unai Emery គ្រូបង្វឹកក្រុមកាំភ្លើងធំបានអះអាងដូច្នេះ។
Asensio ចូលលេងចុងក្រោយបានលេងត្រឹមតែរយៈពេល ២០ នាទីប៉ុណ្ណោះនៃការប្រកួតពានរង្វាន់ International Champions Cup របស់ក្រុម Real Madrid ជាមួយនឹង Arsenal ហើយបានស៊ុតបញ្ចូលទីគ្រាប់ទី ២ ដើម្បីយកស្មើ ២-២ ខណៈក្រុមReal Madridបន្តយកឈ្នះក្នុងលទ្ធផល ៣-២ដោយបាល់កាត់សេចក្តី១១ម៉ែត្រ មុនពេលត្រូវបានផ្លាស់ចេញដោយសាររបួសជង្គង់និងត្រូវបញ្ជូនទៅកាន់មន្ទីរពេទ្យ។
គ្រូបង្វឹកZinedine Zidane បានសារភាពថារបួសនេះមើលទៅគួរឱ្យព្រួយបារម្ភហើយលោក Emery បានទទួលស្គាល់ថាក្រុមរបស់គាត់អាចនិង បញ្ចប់ផែនការ អោយក្រុមដ៏ទៃខ្ចីជើងខ្សែបម្រើCeballos ក្នុងលក្ខណ្ឌណាមួយនោះទេប្រសិនក្រុមអធិរាជសនៅមិនមានខ្សែបម្រើគ្រប់គ្រាន់នោះទេ ។
