លោកMaurizio Sarri បានបញ្ជាក់ថាគាត់ចង់អោយ Paul Pogba ចាកចេញពី Manchester United និងផ្លាស់មកចូលរួមជាមួយ Juventus សារជាថ្មី។ ភ្នាក់ងាររបស់ខ្សែបម្រើអន្តរជាតិបារាំងលោក Mino Raiola បានបញ្ជាក់ថាកីឡាកររូបនេះចង់ចាកចេញពីទឹកដី Old Trafford ក្រោយចំណាយពេល៣ឆ្នាំ ។
ម្ចាស់ជ័យលាភីWorld Cup ២០១៨ រូបនេះបានបង្ហាញខ្លួនអោយក្លឹប Man Utd សម្រាប់ការប្រកួតវគ្គផ្តាច់ព្រ័ត្រពានរង្វាន់ International Champions Cup នៅថ្ងៃសៅរ៍ជាមួយក្រុម Inter Milan ប៉ុន្តែលោក Sarri គ្រូបង្វឹកថ្មីរបស់ក្លឹបបាននិយាយមុនពេលការប្រកួត ICC ជាមួយ Tottenham នៅក្នុងសន្និសិទសារព័ត៌មានមួយថា: ខ្ញុំចូលចិត្តគាត់ខ្លាំងណាស់ប៉ុន្តែបច្ចុប្បន្នរូបគេជាកីឡាកររបស់ក្រុម Manchester United ។ ខ្ញុំមិនមែនជានាយកបច្ចេកទេសទេដូចជាលោកFabio Paratici ដូច្នេះខ្ញុំមិនដឹងពីស្ថានការណ៍នោះទេ។
Pogba ធ្លាប់លេងអោយក្លឹប Juventus ចន្លោះឆ្នាំ ២០១២ ដល់ ២០១៦ មុនពេលផ្លាស់ទៅMan.United ជាលើកទី២ហើយកាលពីខែមុនធ្លាប់បានព្រលយពាក្យចង់ចាកចេញពីក្លឹបដើម្បីទទួលបានការប្រកួតប្រជែងថ្មី ស្របពេលក្លឹប Barcelona និង Real Madrid ព្រមទាំង Juventusធ្លាប់បានបង្ហាញចំណាប់អារម្មណ៏ចង់បានរូបគេមករួមក្រុមផងដែរជាពិសេស លោកZinedine Zidane គ្រូបង្វឹកReal Madrid ក៏ត្រូវបានសួរនាំពីសំណាក់សារពត៌មានអំពីលទ្ធភាពចុះហត្ថលេខា Pogba មុខការប្រកួត ICC មុនបើករដូវកាល(Pre-Season) របស់ពួក គេជាមួយនឹងក្រុម Bayern Munich ។
