ខ្សែប្រយុទ្ធកាំភ្លើងធំ Arsenal កីឡាករPierre-Emerick Aubameyang បានបង្ហាញពីចេតនាចង់ផ្លាស់ទៅកាន់ ក្រុម Man United គៅលបំណងដើម្បីជំនួសតំណែងខ្សែប្រយុទ្ធ Romelu Lukaku ដែលកំពុងត្រៀមចាកចេញពីក្លឹប។យោងគេហទំព័រ Tuttosport របស់អ៊ីតាលីបានអះអាងថាកីឡាករវ័យ ៣០ ឆ្នាំរូបនេះកំពុងសម្លឹងឃើញឪកាសនិងសម្រចចិត្ត ចាកចេញពី Arsenal ទៅកាន់ក្រុមប្រជែងលីក Manchester United ។
ប្រភពដដែលបន្តថាៈ ប្រិយមិត្តអ្នកគាំទ្រនិងក្លឹប Arsenal កំពុងប្រឈមនិងការបាត់បង់កីឡាករឆ្នើមសញ្ជាតិហ្គាបុងរបស់ពួកគេ ទៅកាន់ទឹកដី Old Traffordក្រោយពី Robin van Persie បានផ្ទេរទៅនៅឆ្នាំ២០១២ ខណៈ Alexis Sanchezបច្ចុប្បន្នបានផ្លាស់មកចូលរួមជាមួយMan.United កាលពីឆ្នាំ ២០១៨ ។
Aubameyang បានផ្ទេរពីក្រុមBorussia Dortmund នៅខែមករាឆ្នាំ ២០១៧ស៊ុតបញ្ចូលទីបានចំនួន ៣២ គ្រាប់នៅក្របខ័ណ្ឌ Premier League ខណៈរដូវកាល២០១៨-២០១៩រកបាន ២២គ្រាប់ស្មើ ជាមួយSadio Mane និងMahamed Salah ។
