ដឹងមូលហេតុតារាម៉ូដែលរត់ចូលទីលានប្រកួតផ្តាច់ព្រ័ត្រChampion League ហើយ
កំលុងពេលប្រកួតផ្តាច់ព្រ័ត្រក្របខណ្ឌChampion League រវាងក្រុមហង្សក្រហមLiverpool និង Tottenham កាលពីយប់មិញនៅទឹកដីAt.Madridមានព្រឹត្តការណ៏គួរចាប់អារម្មណ៏មួយកើតមានឡើងគឺតារាម៉ូដែលសញ្ជាតិរុស្ស៊ីដែលត្រូវបានគេស្គាល់ឈ្មោះថា Kinsey Wolanski និងជាជាមិត្តស្រីរបស់លោក Vitaly Zdorovetskiy ដែលជាអ្នក បង្កើតវេបសាយនេះឡើងបានរត់ចូលទៅទីលានប្រកួតបំណងដើម្បីផ្សព្វផ្សាយ វិបសាយអាសអាភាសដើម្បីទាក់ទាញចំណាប់អារម្មណ៏របស់សាធារណៈមតិអោយស្គាល់វេបសាយរបស់ខ្លួន។

ជាមួយនិងការពាក់ពាក់អាវខ្មៅឈុតប៊ីគីនីបញ្ចេញរាងយ៉ាងទ្រលុកទ្រលន់ និង សិចស៊ី ហើយរត់ចូលទៅកាន់ទីលានប្រកួតអមជាមួយឈ្មោះវិបសាយរបស់ខ្លួននៅលើអាវដែលមានសរសេរឈ្មោះថាVitaly Uncensored ។ អាជ្ញាកណ្ដាលបានសម្រេចផ្អាកការប្រកួត១សន្ទុះនៅតង់ទី១ អំឡុងពេលនារីរូបស្រស់ចិត្តស្លុយរូបនេះរត់ចូលទីលាន ខណៈសន្តិសុខ ការពារ ទីលានបានចាប់នាចេញទៅក្រៅវិញ។ ការប្រកួតបានបន្តដំណើរការទៅមុខទៀតខណៈក្រុម Liverpool បានក្លាយជាជើងឯកលើកទី៦ក្នុងប្រវត្តិសាស្រ្តក្រោយយកឈ្នះក្រុម Spurs ក្នុងលទ្ធផល ២-០រកបានដោយកីឡាករSalah និង Origi។