វីរបុរសនិងជាកីឡាករមានកំនត់ត្រារកបានគ្រាប់បាល់ច្រើនបំផុតរបស់ក្រុមសារិកាព្រៃNewcaslteគឺអតីតខ្សែប្រយុទ្ធ Alan Shearer និងអ្នកគាំទ្របានចេញមុខដឹកនាំនិងធ្វើការរិះគន់យ៉ាងខ្លាំងក្រោយពត៌មានផ្លូវការណ៏បាន ចុះផ្សាយថា លោក Rafael Benitez នឹងចាកចេញពីក្លឹបក្រោយពីចូលកាន់តំណែង អស់រយៈពេល ៣ ឆ្នាំកន្លង មកនេះ។

អតីតអ្នកចាត់ការទូទៅReal Madrid,Liverpool និង Napoli លោក Benitez សញ្ជាតិអេស្បាញបានចូលមកដឹកនំាក្រុមមានមូលដ្ឋាននៅភាគខាងជើងទីក្រុងឡុងដ៏ក្នុងឆ្នាំ ២០១៦ ក្រោយត្រូវក្រុមអធិរាជសReal Madrid បញ្ចប់តួនាទីចេញពីតំណែង។គ្រូបង្វឹក វ័យ ៥៩ឆ្នាំរូបនេះបានក្លាយជាបុគ្គលដ៏មានឥទ្ធិពលព្រមទាំងជាទីពេញនិយមនៅកីឡាដ្ឋាន St James ‘Park នឹងត្រូវចាកចេញពីក្លឹប នៅថ្ងៃអាទិត្យចុងសប្តាហ៏នេះ ក្រោយបរាជ័យលើការចុះកិច្ចសន្យាបន្ថែមលើកិច្ចព្រមព្រៀងដែលអស់សុពលភាពរយៈពេល ៣ ឆ្នាំរបស់គាត់បន្តទៀតនោះ។

មូលហេតុសំខាន់បំផុតមួយដែលធ្វើអោយលោកBenitezសម្រេចចិត្តចាកចេញនោះគឺក្រោយពី បានសម្តែងការសោកស្តាយម្តងហើយម្តងទៀតចំពោះកង្វះ ខាតនូវទំនុកចិត្ត និង សេរីភាពក្នុងការប្រឡូកចូល ទីផ្សារទិញដូរកីឡាករដែលរូបលោកធ្លាប់ បានលើកឡើងដែលធ្វើអោយខ្លួន បដិសេធចោលនូវការបន្តកិច្ចសន្យារយៈពេល ១ ឆ្នាំដើម្បីដឹកនាំក្លឹបបន្តទៀត។

សម្រាប់ម្ចាស់ក្លឹបNewcastle លោក Mike Ashley ធ្លាប់បានខឹងសម្បាចំពោះអ្នកគាំទ្រកាលពីពេលមុនដែលធ្លាប់មានគម្រោងប្តូរឈ្មោះកីឡដ្ឋានក្រោយពីវីរបុរស និងជាអតីតគ្រូបង្វឹកលោក Kevin Keegan បានចាកចេញពីក្លឹប។