លោកGil Marinនាយកប្រតិបត្តិក្រុមAt.Madrid បានអះអាងថាកីឡាករ Antoine Griezmann នឹងចុះហត្ថលេខាចូលរួមជាមួយក្លឹប Barcelona នៅរដូវក្តៅនេះស្របពេលខ្សែប្រយុទ្ធអន្តរជាតិបារាំងរូបនេះបានប្រកាសនៅចុងបញ្ចប់នៃរដូវកាល ២០១៨-២០១៩ ថាខ្លួនចង់ស្វែងរកការប្រកួតប្រជែងថ្មីមួយក្រោយចំណាយពេល ប្រាំឆ្នាំជាមួយក្លឹបមានមូលដ្ឋាននៅ រដ្ឋធានីអេស្ប៉ាញមួយនេះ។

Griezmann កីឡាករវ័យ ២៨ ឆ្នាំរូបនេះមានទំនាក់ទំនងជាមួយនឹងការផ្លាស់ប្តូរទៅកាន់កីឡាដ្ឋាន Camp Nou កាលពីប៉ុន្មានខែថ្មីៗនេះបើទោះបីជាក្រុម Manchester United និង Paris Saint-Germain បានបង្ហាញ ពីចេតនាចង់ប្រជែងគ្នាចុះហត្ថលេខាជាមួយម្ចាស់ជ័យលាភីWorld Cup ២០១៨រូបនេះយ៉ាងណាក្តី។

និយាយទៅកាន់គេហទំព័រកីឡា Sport កាលពីរាត្រីថ្ងៃពុធនាយកប្រតិបត្តិលោក Marin បានបន្តថា យើងដឹងតាំងពីខែមីនាថា Griezmann នឹងទៅចូលរួមជាមួយ ក្លឹប Barcelona ស្របពេលសាមីកីឡាករបានបញ្ជាក់បន្ទាប់ពីបំពេញកាតព្វកិច្ចជាមួយក្រុមជម្រើសជាតិក្នុងយុទ្ធនាការជម្រុះEurop ២០២០ រូញបគេនិងបង្ហាញខ្លួនជាមួយក្លឹបថ្មីនៅប៉ុន្មានថ្ងៃខាងមុខនេះ។