មានកីឡាករឆ្នើមៗមួយចំនួនដែលបានប្រែក្លាយខ្លួនក្រោយបញ្ចប់អាជីពជាកីឡាករបាល់ទាត់ដោយចាប់ផ្តើមការងារជា គ្រូបង្វឹកហើយជារឿងមួយដែលគាប់ជួនផងដែរសម្រាប់ពួកគេដោយមានឪកាសបានបង្វឹកក្រុមនិងអតីតមិត្តរួមក្រុមអាជីព និង ជម្រើសជាតិរបស់ពួកគេដូចជាឧទាហរណ៏ករណីអតីតគ្រូបង្វឹកក្រុមអធិរាជសReal Madridលោក Zinedine Zidane និងខ្សែការពារកណ្តាល Sergio Ramos ជាដើម។ ទោះជាយ៉ាងណាក៏មិនមានអ្នកចាត់ការទូទៅច្រើននោះទេដែលបានចុះហត្ថលេខានាំយកអតីត មិត្តរួមក្រុមមកលេងអោយក្រុមដែលខ្លួនកំពុងដឹកនាំនោះ។

ខាងក្រោមនេះគឺគ្រូបង្វឹក៥រូបបានក្លាយជាគ្រូបង្គោលហើយចុះហត្ថលេខានាំយកអតីតមិត្តរួមក្រុមមកធ្វើជាកូនក្រុមៈ
១.Diego Simeone និង Fernando Torres

Fernando Torresអតីតខ្សែប្រយុទ្ធក្រុមជម្រើសជាតិអេស្បាញ បានចាប់ផ្តើមអាជីពជាមួយក្រុមAt.Madrid និង ធ្លាប់លេងរួមគ្នាជាមួយលោកDiego Simeone កំលុងឆ្នាំ២០០៣-២០០៥មុនពេលផ្លាស់ទៅលេងនៅក្រុមហង្សក្រហមLiverpoolនៅឆ្នាំ២០០៧។ បន្ទាប់មកក្រោយពីមិនបានទទួលជោគជ័យ នៅក្រុមAC.Milan លោកSimeoneក្នុងនាមជាគ្រូបង្វឹកបានចុះហត្ថលេខានាំយកTorresមកវិញក្នុងលក្ខណ្ឌខ្ចីជើងនៅរដូវកាល២០១៥-២០១៦ និង បានផ្ទេរមកលេងជាអចិន្រ្តៃយ៏វិញនៅឆ្នាំ២០១៦។ក្រោមការដឹកនាំរបស់លោកSimeoneនៅក្រុមAt.MadridកីឡាករTorresស៊ុតបញ្ចូលទីបាន៣៨គ្រាប់ និង បានលើកពានUefa Cup ជាមួយក្រុមមុនពេលផ្ទេរទៅលេងនៅលីកកំពូលជប៉ុនក្នុងឆ្នាំ២០១៨។

២.Thierry Henry and Cesc Fabregas
Henry និង Fabregasធ្លាប់លេងនៅក្រុមកាំភ្លើងធំArsenalជាមួយគ្នាកំលុងឆ្នាំ២០០៣-២០០៧ មុនពេលផ្ទេរទៅលេងនៅក្រុមBarcelona ក្នុងឆ្នាំ២០១១និងបានត្រលប់មកកាន់ក្រុមChelseaនៅឆ្នាំ២០១៤។ក្រោយចូលកាន់តួនាទីជាគ្រូបង្វឹក Monaco នៅខែតុលា ឆ្នាំ២០១៨ Henry ប៉ុន្តែមិនទទួលបានជោគជ័យគួរកត់សម្គាល់នោះទេ ក្រោយមកបន្ទាប់ពីមិនជាប់ជម្រើស១១នាក់ដំបូងរបស់លោកSarri លោកHenry បានសម្រេចចុះហត្ថលេខានាំយកអតីត មិត្តរួមក្រុមរូបនេះមកពង្រឹងតំបន់បម្រើស្លាប និង បម្រើកណ្តាលឡើងវិញដោយគ្មានតម្លៃខ្លួន(Free Transfer)។ប៉ុន្តែក្រោយ បញ្ចប់លទ្ធផលចុងក្រោយចាញ់ក្រុមStrasbourg៥:១ក្នុងទឹកដីខ្លួនឯងធ្វើអោយប្រធានក្លឹបសម្រេចចិត្តចែកផ្លូវជាមួយនិងThierry Henryតែម្តង។

៣.Steven Gerrard, Jermain Defoe និង Jon Flanagan
អតីតខ្សែបម្រើក្រុមជម្រើសជាតិអង់គ្លេសនិងហង្សក្រហមLiverpoolលោក Steven Gerrard បានចូលកាន់តំណែងជាគ្រូបង្វឹកក្រុម Rangers នៅរដូវក្តៅនេះហើយគាត់បានធ្វើការងារដ៏គួរអោយចាប់អារម្មណ៍មួយជាមួយក្លឹប។ប៉ុន្តែក្រុមRanger មានថវិកាកំនត់ ដែលតម្រូវអោយGerrardប្រើប្រាស់ដើម្បីទិញកីឡាករបាននៅកម្រិតមួយ។បន្ទាប់ពីចុះហត្ថលេខានាំយក អតីតមិត្តរួមក្រុមJon Flanaganដែលធ្លាប់លេងនៅLiverpoolជាមួយគ្នានៅរដូវកាល (២០១៣-២០១៤)កាលពីរដូវក្តៅកន្លងមក។នៅខែមករា២០១៩ថ្មីៗនេះGerrardបានសម្រេចចុះហត្ថលេខានាំយកអតីតមិត្តរួមក្រុមម្នាក់ទៀតគឺJermaine Defoeឌែលធ្លាប់លេងអោយក្រុមតោកំណាចអង់គ្លេសជាមួយគ្នាបន្ទាប់ពីខ្សែប្រយុទ្ធជើងចាស់រូបនេះចំណាយពេល១៨ខែ លេងក្នុងលក្ខណ្ឌខ្ចីជើងអោយក្រុមBournemouth។

៤.Frank Lampard និង Ashley Cole
Frank Lampardធ្លាប់លេងក្នុងនាមជាកីឡាករអោយក្រុមChelseaជាមួយនិងAshley Cole កំលុងឆ្នាំ២០០៦-២០១៤ និងនៅក្នុងក្រុមជម្រើសជាតិអង់គ្លេសផងដែរ។Lampardបានចូលមកដឹកនាំក្រុមDerby Country នៅលីកលំដាប់ទី២ពីក្រុមLA.Galaxyនៅលីកកំពូលអាមេរិកក្រោយពីខ្សែការពារឆ្វេងរូបនេះស្ថិតក្នុងការផ្ទេរដោយគ្មានតម្លៃខ្លួន។ក្រុមសង្ឃឹមថា បទពិសោធន៏របស់Coleនិងជួយជ្រោមជ្រែងក្រុមព្រមទាំងដោះស្រាយបញ្ហាតំបន់ការពារគោលបំណងជួយអោយDerby Country មានឪកាស វិល ត្រលប់ទៅលេងនៅក្របខណ្ឌកំពូលសារជាថ្មីឡើងវិញ។

៥.Roberto Mancini, Siniša Mihajlović និង Juan Sebastián Verón
លោក Roberto Mancini អតីតគ្រូបង្វឹកMan.City ធ្លាប់លេងអោយក្លឹប Sampdoria និង Lazio ក្នុងនាមជាកីឡាករម្នាក់ ជាមួយនឹងអតីតមិត្តរួមក្រុម SinišaMihajlović និង Juan SebastiánVerón។សម្រាប់ក្លឹបSampdoria MihajlovićបានលេងជាមួយMancini នៅចន្លោះឆ្នាំ ១៩៩៤ និង ១៩៩៧ មុនពេលចាកចេញទៅកាន់ក្លិប Lazio ។ ផ្ទុយទៅវិញ Veron បានលេងតែមួយរដូវកាលជាមួយលោកManciniគ្រូបង្វឹកអ៊ីតាលីបច្ចុប្បន្ននៅក្រុមSampdoria។ បន្ទាប់ពីលោក Mancini ផ្លាស់ទៅ Lazio នៅឆ្នាំ ១៩៩៧ ទាំង Mihajlovic និង Veron បានផ្លាស់ទៅកាន់ក្លិបដូចគ្នានៅ រដូវកាល១៩៩៨-១៩៩៩ ខណៈដែលលោកManciniបានផ្ទេរទៅក្រុម Leicester City ក្នុងលក្ខណ្ឌខ្ចីជើងនិងចូលនិវត្តន៍នៅចុងបញ្ចប់នៃរដូវកាលឆ្នាំ ២០០០/២០០១តែម្តង ។រំលឹកឡើងវិញផងដែរថាក្រោយចូលដឹកនាំក្រុមInter.Milanនៅឆ្នាំ២០០៤លោកMancini បានចុះ ហត្ថលេខានាំយកអតីតមិត្តរួមក្រុមទំាងពីរមកលេងអោយក្លឹបរយៈពេល២រដូវកាល (ប៉ុន្តែVeronលេងក្នុងលក្ខណ្ឌខ្ចីជើង) ក្រោយមកពួកគេបានឈ្នះពានSerieAនៅរដូវកាល២០០៥-២០០៦ និង ពានCoppa Italia ២ដង និង ពានSuperCoppa Italian ១ដងផងដែរ។