កីឡាករ Timo Werner បានរកគ្រាប់បាល់បញ្ចូលទីចំនួន ៣ គ្រាប់ខណៈក្រុម RB Leipzig បានទទួលជ័យជម្នះ ៣-១ នៅលើទឹកដីក្រុម Borussia Moenchengladbach នាកីឡាដ្ឋាន Borussia Park កាលពីថ្ងៃសុក្រទី៣០​សីហា ២០១៩​ដើម្បីឈានទៅឈរនៅ​លើកំពូល​តារាង​នៃក្របខ័ណ្ឌ Bundesliga បណ្តោះអាសន្ន។

Werner ​ខ្សែ​ប្រយុទ្ធ​​អន្ត​រ​ជាតិ​អាឡឺម៉ង់រូបនេះបានបង្ហាញ​ទម្រង់​លេង​ល្អបំផុត​ក្រោម​ការដឹកនាំរបស់គ្រូបង្វឹក Julian Nagelsmann ដើម្បីប​​​ន្ត ជ័យជម្នះលើកទី ៣ ជាប់ៗគ្នា​សម្រា​ប់​ការចាប់​ផ្តើមរដូវកាលថ្មី២០១៩-២០២០។

ក្រុម Leipzig ស្ថិតនៅក្នុងពូលG បន្ទាប់ពីចាប់ឆ្នោតក្នុងក្របខ័ណ្ឌ Champions League រួមជាមួយក្រុម Zenit Saint-Petersburg, Benfica និង Lyon កាលពីថ្ងៃព្រហស្បតិ៍បានផ្តួល Union Berlin និង Eintracht Frankfurt ក្នុងពីរប្រកួតដំបូងរបស់ពួកគេ។