Jose Antonio Reyes អតីតកីឡាករArsenal ស្លាប់ដោយគ្រោះថ្នាក់រថយន្ត
កីឡាករបាល់ទាត់José Antonio Reyes បានទទួលមរណភាពហើយកាលពីថ្ងៃសៅរ៏នេះបន្ទាប់ពីជួបគ្រោះថ្នាក់ចរាចរណ៏រថយន្ត។គណនី twitter ផ្លូវការរបស់ក្រុម Sevilla FC បានចែករំលែកព័ត៌មាននៅលើបណ្តាញទំនាក់ទំនងសង្គមពិពណ៌នា ពីReyes ដែលធ្លាប់លេងឱ្យ Sevilla, Arsenal, Real Madrid, Atlético Madrid ។

គ្រោះថ្នាក់អកុសលនេះបានកើតឡើងនៅម៉ោង ១១:៤០ នាទីព្រឹកនេះនៅលើផ្លូវហាយវេចន្លោះពីទីក្រុង Sevilla និង Utrera។កីឡាករសញ្ជាតិអេស្ប៉ាញរូបនេះបានផ្ទេរពីArsenalមកចូលរួមជាមួយ Sevilla កាលពីខែមករាឆ្នាំ ២០០៤ក្រោយពីបានជួយក្រុម ឈ្នះពាន Premier League និង បន្តជួយSevilla លើកពានEuropa League ៣ឆ្នាំជាប់គ្នា មុន ចំណាយពេល១រដូវកាលខ្ចីជើងលេងអោយក្លិប Real Madrid ក្នុងឆ្នាំ ២០០៦-២០០៧ ។

មឈូសរបស់តំកល់សព Reyes នឹងត្រូវនាំយកទៅកាន់កីឡាដ្ឋាន Sevilla នៅថ្ងៃអាទិត្យមុនពេលត្រូវបញ្ជូនទៅកាន់ តំបន់Utrera ដើម្បីធ្វើពិធីបុណ្យសពរបស់លោកនៅថ្ងៃចន្ទស្អែកនេះ។

មរណៈភាពរបស់ខ្សែប្រយុទ្ធ-ស្លាបReyes បានបន្សល់ទុកអោយប្រពន្ធរបស់គាត់ឈ្មោះនាង Noelia Lopez ក្លាយជាស្រីមេម៉ាយក្រោយពីរូបគាត់បានរៀបការនៅខែមិថុនាឆ្នាំ ២០១៧ និងមានកូន៣នាក់ជាចំណងដៃគឺ កូនស្រី Noelia និង Triana ព្រមទាំងកូនប្រុសរបស់គាត់ Jose Antonio Jr ជាកូនប្រពន្ធមុន។ភាពស្ងប់ស្ងាត់មួយនាទីនឹងត្រូវគេសង្កេតឃើញនៅវគ្គផ្តាច់ព្រ័ត្រនៃក្របខ័ណ្ឌ Champions League មុនពេលLiverpoolផ្តួលTottenham ដើម្បីលើកពានកំពូលអឺរ៉ុបជាលើកទី៦ ដើម្បីបង្ហាញពីការគោរពចំពោះ Reyes ក្នុងនាមកីឡាករអេស្ប៉ាញទី ១ ដែលបានឈ្នះពាន Premier League កាលពី១៥ឆ្នាំមុន។