Kevin Trapp បានចុះកិច្ចសន្យារយៈពេល ៥ ឆ្នាំជាមួយ Eintracht Frankfurt ក្រោយសម្រេចចិត្តចាកចេញពី​ក្លិប Paris Saint-Germain ។ អ្នកចាំទី សញ្ជាតិអាឡឺម៉ង់ ទទួលបានជោគជ័យក្នុងការខ្ចីជើងកាលពីរដូវកាលមុន និងជួយក្រុមឈានដល់វគ្គពាក់កណ្តាលផ្តាច់ព្រ័ត្រ Europa League មុនបរាជ័យក្រោមថ្វីជើងក្រុម Chelsea។

ម្ចាស់ជើងឯក PSG បានចុះហត្ថលេខានាំយក Trapp ពី Eintracht ក្នុងឆ្នាំ ២០១៥ ហើយគាត់បាន​ឈ្នះពានរង្វាន់ជាច្រើនក្នុងអំឡុងពេលរួមរស់ជាមួយក្លិបនៅរដ្ឋធានី រួមទាំងពានរង្វាន់ Ligue ១ ចំនួន ២ ផងដែរ។ Trapp បាននិយាយថា:ខ្ញុំមានអារម្មណ៏កក់ក្តៅអំលុងពេលលេងអោយ Frankfurt ។ ពេលវេលានៅទី​ក្រុង​ប៉ារីសពិតជារំភើបរីករាយទទួលបានជោគជ័យនិងបទពិសោធន៍ដ៏អស្ចារ្យសម្រាប់ខ្ញុំ។ តែឥឡូវ​ខ្ញុំត្រលប់មកផ្ទះ​វិញ​ហើយខ្ញុំចង់សំរេចបំណងជាច្រើននៅទីនេះ។