Robin van Persie បានកោតសរសើរចំពោះអតីតមិត្តរួមក្រុម Manchester United ចំនួន ២ រូបគឺ Nemanja Vidic និង Rio Ferdinand ដែលរូបគេចាត់ទុកថាជាកីឡាករខ្សែការពារដៃគូឆ្នើមបំផុត ដែលរូបគេធ្លាប់លេង ប្រឈមជាមួយនិងលេងរួមក្រុមផងដែរនោះ ។ អតីតខ្សែប្រយុទ្ធ អន្តរជាតិហូឡង់រូបនេះធ្លាប់លេងអោយ ក្រុមកាំភ្លើងធំ Arsenal តទល់គ្នាជាមួយគ្នាអំឡុងពេលប្រកបអាជីពនៅ Arsenal និង Manchester United ។
ខ្សែការពារក្រុមអធិរាជស Real Madrid កីឡាករ Sergio Ramos ព្រមទាំង Gerard Pique របស់ Barcelona ក៏ស្ថិតនៅក្នុងចំណោមខ្សែការពារលំដាប់កំពូលដែលអតីតកីឡាករក្រុម Feyenoord រូបនេះទទួលស្គាល់ថា មានសមត្ថភាពនិងជាកំផែងការពារដ៏រឺងមាំ ។
បច្ចុប្បន្នក្នុងនាមជាអ្នកវិភាគនិងព្យាករណ៏កីឡារបស់ BT Sport Van Persie បានបង្ហាញប្រាប់ថា វាជាបទពិសោធន៏ធំបំផុតដែលឆ្លងកាត់ការប្រកួតប្រជែងជាមួយពួកគេដែលជារបកគំហើញថ្មី និង ជាអាជីព ដែលរីករាយបំផុត។ នៅជាមួយ Arsenal ខ្សែប្រយុទ្ធជំនាញជើងឆ្វេងរូបនេះធ្លាប់លើកពាន FA Cup ប៉ុន្តែមិនបាន ឈ្នះពាន Premier League ទេ ប៉ុន្តែនៅរដូវកាល២០១២-២០១៣បានឈ្នះពានលីកកំពូលអង់គ្លេសជាមួយ Man.United មុនត្រូវក្លឹបលក់ចេញទៅលេងនៅក្រុម Fenerbahce នៅលីកកំពូលតួគីនាឆ្នាំ២០១៥ មុនពេល ចូលនិវត្តន៏ជាមួយក្រុមថ្នាលយុវជន Feyenoord នៅឆ្នាំ២០១៩កន្លងទៅនេះ។
