ក្លិប Barcelona បានចុះហត្ថលេខានាំយកខ្សែប្រយុទ្ធអន្តរជាតិ បារាំង Antoine Griezmann ពីក្លឹប Atletico Madrid ក្នុងតម្លៃទិញផ្តាច់កុងត្រា ១២០ លានអឺរ៉ូស្មើនិង(១០៧លានផោន)។ ខ្សែប្រយុទ្ធដែលបានរួមចំណែក ដ៏សំខាន់ជួយក្រុមមាន់គកបារាំងលើក ពាន World Cup ២០១៨មានវ័យ ២៨ឆ្នាំរូបនេះបានចុះហត្ថលេខាលើ កិច្ចព្រមព្រៀងរយៈពេល ៥ ឆ្នាំខណៈដែលរូបគេត្រូវបានក្លឹបជើងឯកLa Liga ដាក់តម្លៃទិញផ្តាច់កុងត្រាកើន ដល់ ៨០០ លានអឺរ៉ូស្មើនិង ( ៧១៧លានផោន) ។

បើទោះបីជាបានចុះហត្ថលេខាលើកិច្ចសន្យាថ្មីរយៈពេលប្រាំឆ្នាំបន្តលេងនៅទឹកដីWanda Metropolitano នៅក្នុងខែមិថុនាឆ្នាំ ២០១៨ ផ្ទុយទៅវិញ១ខែក្រោយមកពោលគឺនៅខែឧសភាGriezmann បានប្រកាសថានិងចាកចេញពីក្លឹបនៅរដូវក្តៅនេះដើម្បីស្វែងរកការប្រកួតប្រជែងថ្មី។ ទោះបីជាផ្ទេរក្នុតម្លៃកំនត់ត្រាក្តីប៉ុន្តែAtletico Madrid មិនសប្បាយចិត្តនៅតម្លៃផ្ទេរខាងលើមិនសមរម្យគ្រប់គ្រាន់នោះទេ ។បច្ចុប្បន្ន Griezmannឈរនៅលេខរៀងទី ៦ ជាកីឡាករមានតម្លៃថ្លៃជាងគេនៅលើពិភពលោកបន្ទាប់ពី ១.Neymar ២. Kylian Mbappe, ៣.Philippe Coutinho, ៤.Joao Felix និង៥. Ousmane Dembele ។