ខ្សែប្រយុទ្ធ Alfredo Morelos របស់ក្រុម Rangers និងត្រូវអវត្តមានរហូដល់បញ្ចប់រដូវកាលនេះ បន្ទាប់ពីបានធ្វើការវះកាត់របួសភ្លៅកំលុងពេលជួបបញ្ហារងរបួសនៅពេលបំពេញកាតព្វកិច្ចជាមួយក្រុមជម្រើសជាតិកូឡុំប៊ី។ Rangers រំពឹងថាកីឡាករវ័យ ២៥ឆ្នាំនឹងត្រលប់មកហ្វឹកហាត់ វិញក្នុងអំឡុងពេលមុនបើករដូវកាលថ្មី។គួរបញ្ជាក់ថាខ្សែប្រយុទ្ធរូបនេះគឺជាអ្នកស៊ុតបញ្ចូលទីច្រើនជាងគេ នៅរដូវកាលនេះដូច្នេះអវត្តមានរបស់ Morelos គឺជាបញ្ហាប្រឈមដ៏សំខាន់មួយ ។

Rangers ដែលមានកាតព្វកិច្ចធំៗជាច្រើនត្រូវប្រឈមមុខគឺការការពារតំណែងជើងឯក Scottish Premiership និងបន្តជួបគូប្រជែង Celtic ក្នុងវគ្គពាក់កណ្តាលផ្តាច់ព្រ័ត្រ Scottish Cup ព្រមជាមួយនិងវត្តមាននៅ វគ្គ ៨ ក្រុមចុងក្រោយនៃពាន Europa League ។

ពួកគេប្រកួតជាមួយក្រុមព័រទុយហ្គាល់ Braga ក្នុងជើងទីមួយវគ្គ៨ក្រុមចុងក្រោយ Europa League នៅថ្ងៃព្រហស្បតិ៍ មុនពេល បើកទ្វារនៅទឹកដី Glasgow ទទួលក្រុមព័រទុយហ្គាល់នៅសប្តាហ៍ក្រោយ។ Rangers បច្ចុប្បន្នកំពុងដេញតាម Celtic ពីក្រោយ៦ ពិន្ទុក្នុងលីក ខណៈនៅសល់ ៦ ប្រកួតទៀតនិងបញ្ចប់រដូវកាល មុនជួបគូប្រជែង Old Firm នៅ Hampden នៅថ្ងៃទី ១៧ ខែមេសា ក្នុងការប្រកួតបួនចុងក្រោយនៃពានរង្វាន់ Scottish Cup ។ Morelos បានចូលរួមជាមួយក្លឹប Ranger ពីក្លឹបហ្វាំងឡង់ HJK Helsinki ក្នុងតម្លៃមិនបានបញ្ចេញអោយដឹងឈ្មោះក្នុងឆ្នាំ ២៩០១៧ ហើយស៊ុតបញ្ចូលទីសរុបប ៦៧ គ្រាប់ក្នុងការបង្ហាញខ្លួន១២៥ ប្រកួត ។

ប្រភព៖ BBC