ខ្សែការពារ Shkodran Mustafi បានចាកចេញពីក្លឹប Arsenal ដើម្បីបញ្ចប់ការផ្ទេរទៅក្លឹប Schalke ជាផ្លូវការណ៏។ Mustafi វ័យ ២៨ ឆ្នាំបានវិលត្រលប់ទៅលេងនៅ ក្របខ័ណ្ឌ Bundesliga ក្នុងកិច្ចសន្យារយៈពេល ៦ ខែដើម្បីជំនួសខ្សែការពារតួគី Ozan Kabak ដែល ត្រូវបានក្លឹប Liverpool បញ្ចប់ការខ្ចីជើងនៅថ្ងៃបិទបញ្ចប់ទីផ្សារទិញដូរកីឡាករ ។

ខ្សែការពារកណ្តាលអាល្លឺម៉ង់ Mustafi មិនបានចូលលេងក្នុងការប្រកួតណាមួយសោះនៅក្របខណ្ឌ Premier League សម្រាប់ ក្រុមកាំភ្លើងធំនៅរដូវកាលនេះទេ ។អតីតកីឡាករ Valencia បានចូលរួមជាមួយ Arsenal នៅឆ្នាំ ២០១៦ ក្នុងតម្លៃខ្លួន៣៥ លានផោននិងបានបង្ហាញខ្លួនសរុប ១៥១ ប្រកួត។

Mustafi គឺជាផ្នែកមួយនៃក្រុមជម្រើសជាតិអាឡឺម៉ង់ដែលបានលើកពានរង្វាន់បាល់ទាត់ពិភពលោកឆ្នាំ ២០១៤ ទោះបី ខកខានវគ្គផ្តាច់ព្រ័ត្រដោយសាររបួសភ្លៅក៏ដោយ។

ប្រភព: BBC