លោក Jose Mourinho បានបង្ហើបប្រាប់ពីខ្សែប្រយុទ្ធដ៏ល្អបំផុតម្នាក់ដែលរូបលោកចាត់ទុកថាជាកីឡាករឆ្នើមបំផុតស្របពេលដែលមានសំណួរលើកឡើងសម្រាប់គ្រូបង្វឹកសញ្ជាតិព័រទុយហ្គាល់ធ្វើការជ្រើសរើសរវាង Cristiano Ronaldo និង Lionel Messi ខណៈដែលអតីតអ្នកចាត់ការទូទៅក្រុម Chelsea និង Man.United បានប្រាប់ឈ្មោះនោះគឺអតីតខ្សែប្រយុទ្ធប្រេស៊ីល Ronaldo LuísNazário de Lima នៅក្នុងបទសម្ភាសន៏ជាមួយគេហទំព័រកីឡា LiveScore។
គ្រូបង្វឹកដែលអត់ទាន់មានក្លឹបដឹកនាំបន្ទាប់ពីត្រូវក្រុមបិសាចក្រហមបញ្ចប់តួនាទីកាលពីខែធ្នូ ឆ្នាំ២០១៩ លោក Mourinho ក៏បានប្រាប់ប្រភពដដែលថា Cristiano Ronaldo និង Leo Messi ក៏ស្ថិតនៅលើវិថីដ៏ជោគជ័យផងដែរបន្ទាប់ពីពួកគេចំណាយពេលប្រឡូកក្នុងវិស័យនេះជាង ១៥ឆ្នាំមកហើយ។
Ronaldo លេងបានតែមួយរដូវកាលសម្រាប់ Barcelona ចន្លោះឆ្នាំ១៩៩៦/៩៧ និងចំណាយពេល ២ ឆ្នាំជាមួយ PSV និងរកបាន ៣៤ គ្រាប់មិនគួរឱ្យជឿក្នុងការប្រកួត ៣៧ ដង មុនពេល ត្រូវក្លឹប Barcelona លក់ទៅក្លឹបInter Milan ក្នុងតម្លៃ ឯកទគ្គកម្មពិភពលោក ១៩.៥ លានផោន។ កំលុងឆ្នាំ ១៩៩៧ និងមានវ័យទើបតែ ២១ ឆ្នាំកីឡាករអន្តរជាតិប្រេស៊ីលបានឈ្នះពានរង្វាន់កីឡាករឆ្នើម ប្រចាំ ឆ្នាំរបស់ FIFA ចំនួន ២ ដងនិងបានជួយប្រេស៊ីលលើកពាន World Cup ២០០២ដ៏អស្ចារ្យ ។ បច្ចុប្បន្ន Ronaldo ក៏ជាម្ចាស់ភាគហ៊ុនធំដែលកំពុងគ្រប់គ្រងក្រុម Valladolid។
ប្រភពត៌មាន៖ sportbible
